भिवंडी: रेल्वेने प्रवास करताना होणारी गर्दी आणि प्रवाशांची ‘अतिघाई’ किती घातक ठरू शकते, याचा प्रत्यय आज भिवंडी रोड रेल्वे स्थानकावर आला. पुण्याहून एका नातेवाईकाच्या विवाह सोहळ्यासाठी आलेल्या १९ वर्षीय तरुणीचा धावत्या ट्रेनमधून उतरण्याच्या नादात प्लॅटफॉर्म आणि गाडीच्या फटीत अडकून मृत्यू झाला आहे.
नेमकी घटना: मिळालेल्या माहितीनुसार, सदर तरुणी पुण्याहून निघाली होती. भिवंडी रोड स्थानकाच्या प्लॅटफॉर्म क्रमांक ४ वर गाडी संथ होत असताना, स्थानक आल्याच्या घाईत तिने गाडी पूर्ण थांबण्यापूर्वीच उतरण्याचा प्रयत्न केला. याच वेळी मागून येणाऱ्या प्रवाशांच्या रेट्यामुळे तिचा तोल गेला आणि ती थेट ट्रॅकवर पडली. गाडीच्या चाकाखाली आल्याने तिचा जागीच मृत्यू झाला.
नित्यम न्यूजचे आवाहन: रेल्वे स्थानकावर होणारी गर्दी टाळणे प्रशासनासमोर मोठे आव्हान असले, तरी प्रवाशांनी स्वतःच्या जीवाची काळजी घेणे आवश्यक आहे. धावत्या गाडीत चढणे किंवा उतरणे हे कायद्याने गुन्हा तर आहेच, पण ते जीवावरही बेतू शकते.
अधिक माहितीसाठी पाहत राहा नित्यम न्यूज. वेबसाइट: nityamnews.in #NityamNews #Bhiwandi #RailwayAccident #SafetyFirst
✍🏻मुख्य संपादक – सौ.स्नेहा गितेश पाटील
