भिवंडी: बापगाव येथील कचरा डेपोला लागलेल्या भीषण आगीमुळे कल्याण-भिवंडी परिसरातील हवेची गुणवत्ता (AQI) कमालीची खालावली आहे. गेल्या काही दिवसांपासून धगधगत असलेल्या या आगीमुळे निर्माण झालेला धुराचा लोट परिसरात पसरला असून, यामुळे स्थानिक नागरिकांना श्वास घेण्यास त्रास होणे, डोळ्यांची जळजळ आणि घशाचे विकार यांसारख्या समस्यांचा सामना करावा लागत आहे. प्रशासनाकडून आग विझवण्याचे प्रयत्न सुरू असले, तरी धुराचे साम्राज्य कायम असल्याने वातावरणात प्रदूषणाची पातळी चिंताजनक स्तरावर पोहोचली आहे. वाढत्या प्रदूषणामुळे ज्येष्ठ नागरिक आणि लहान मुलांच्या आरोग्याचा प्रश्न गंभीर बनला असून, या समस्येवर कायमस्वरूपी तोडगा काढण्याची मागणी आता जोर धरत आहे.
✍🏻मुख्य संपादक – सौ.स्नेहा गितेश पाटील
